என்னம்மா இப்படிப்பண்றீங்களேம்மா?

        

நியூயார்க் சப்வேயில் அனுதினம் குயின்சிலிருந்து மேன்ஹாட்டன் வரை குறைந்தபட்சம் 11/2 மணி நேரப்பயணத்தில், நான் சந்தித்த விதவிதமான பெண்களிடம் நான் பேசிய, சொன்ன மற்றும் கேட்ட விவரங்களை இங்கு உங்களுக்குத் தொகுத்து தந்துள்ளேன்.

o   இந்த ஸ்னீக்கர் எங்க வாங்குனீங்க? கலர்புல்லா ரொம்ப ஸ்டைலிஷா இருக்கு

o   இந்த  புத்தகம் எங்கு கிடைக்கும்? Historical Fiction போல தெரியுது?

o   இந்தப் பேப்பரை படிச்சுட்டா தர்ரீங்களா?

o    ஏம்மா ரெண்டு ஆள் இடத்தை ஒரே ஆளே பிடிச்சுட்டா எப்படி?  

o   உங்க தூண் போல இருக்கிற தொடைகளை கொஞ்சம் சுருக்கி உட்கார முடியுமா?

o   தூங்கி தூங்கி என்மேல விழாதீங்க தாங்க முடியல? ஏற்கனவே என் தோள்ள தோல் மட்டும்தான் இருக்கு .

o   ஏம்மா அந்தப்புறம் திரும்பு, காலைல பல்லை விளக்காம வந்துட்டபோல?

o   ஏம்மா உன்கண்ணு ஒரிஜினலா இந்தக் கலர்தானா, இல்லை காண்டாக்ட் லென்சா?

o   ஏங்க என்ன பர்ஃபியூம் இது? சும்மா ஜம்முனு இருக்கு.

o   ஏங்க என்ன பர்ஃபியூம் இது, ஒரே நாத்தமா இருக்கு.

o   எம்மா என்னாது சாப்பிட்டிட்டு இருக்க, நாத்தம் குடலைபுடுங்குது.

o   ஆஹா என்ன அது மணக்கும் சிப்ஸ், எனக்குக் கொஞ்சம் தர்ரீங்களா?

o   பெண்ணே உனக்கு லிப்ஸ்டிக் சூப்பரா இருக்கு

o   பெண்ணே, கண்ணை சும்மா கசக்காத, பார் உன் கண்மை இளிப்பிக்கிச்சு,

o   ஏம்மா நீ illegally blond -ஆ இல்லை legally blond -ஆ?  

o   ஏம்மா காலை எடும்மா, உன்  ஹைஹீல் ஷூ  இருக்கிறது என் கால் மேலே. என்னம்மா இப்படிப்பண்றீங்களேம்மா?

o   ஏங்க உங்க விரல்ல போட்டு இருக்கிறது நெஜ வைரமா? என்ன இவ்வளவு பெரிசா இருக்கு?

o   ஏம்மா மாட்டுச்சங்கிலி மாதிரி இத்தனை பெரிசா போட்டிருக்கே. மஞ்சக்கலர்ல இருக்கு ஆனா தங்கம் மாதிரி தெரியலயே ?.

o   ஏம்மா நீ எந்தூரு, வெண்ணெயில ரோசாப் பூவைத்தூவுன மாதிரி ஒரு கலரு.

o   ஏம்மா உன் கன்னக்கதுப்புகள் ரொம்ப சிவப்பா  இருக்கே, அது இயற்கையா செயற்கையா?

o   ஏம்மா இப்படி பண்றீங்களேம்மா? இப்படி அறைகுறையா டிரஸ் பண்ணி உயிரை வாங்கிறீங்களே ?.

o   ஏம்மா இருமி இருமி என்மேல விடுற, உடம்பு சரியில்லைன்னா வீட்டில இருக்க வேண்டியது தானே?

o    ஏம்மா உன் நெயில் பாலிஸ் கலர் உனக்கு மேட்சா இல்லை.

o   ஏம்மா இந்த கூலிங் கிளாஸ் உனக்கு சூப்பரா இருக்கு.

o   சாரிம்மா உனக்கு என் இடத்தைத் தரமுடியாது, அவசரமா ஒரு blog  எழுதனும்.

o    இந்தியப் பெண்கள்தான் அழகுன்னு நீ மறுபடியும் நிரூபிச்சிட்ட?

o   ஏம்மா உன்னைப்பாத்தா தமிழ்ப் பொண்ணு மாதிரி இருக்கு, நானும் தமிழ்தான்.

o   ஏம்மா காலங் காத்தால ஆபிஸ் போகும்போது நீங்க ரெண்டு பேரும் பச்சு பச்சுன்னு முத்தம் கொடுத்துக்கிறீங்களே, நாங்க ஆபிஸ் போய் வேலை செய்ய வேண்டாமா?

o    ஏம்மா ஷார்ட்ஸ்டை ஜட்டி  மாதிரி இவ்வளவு சின்னதா போட்டுட்டு ஏம்பக்கத்துல உட்காரியே, இதெல்லாம் நல்லதுக்கில்லை ஆமா சொல்லிட்டேன்.

o   ஏம்மா என்ன பாட்டு கேட்கிற ? ஒரே கெட்ட  வார்த்தையா வருது? ஐபாடை   இவ்வளவு சத்தமா வச்சு ,உங்காதுக்குள்ள போகவேண்டியது என் காதுக்குள்ள கேட்குது.

o   ஏம்மா என்னை அப்படி முறைச்சு முறைச்சு பார்க்கிற, எல்லாம் சரியாத்தானே இருக்கு?

o   ஏம்மா உன் ஏறு நெத்திக்கு, முடியை தூக்கி வாரக் கூடாது, சிறு வகிடு எடுத்து ரெண்டு பக்கம் விடு சூப்பரா இருக்கும்.

o   ஏம்மா உதட்டுல போய் வளையத்தை மாட்டி வச்சிருக்க, இதெல்லாம் இடைஞ்சலா இருக்காதா?.

o   என்னம்மா நீ இவ்வளவு உயரமா இருக்க, உனக்கு பையன் எப்படித்தான் கிடைப்பானோ?

o   ஏம்மா, என் முன்னால நின்னுக்கிட்டே தூங்கிறியேமா, மேலே  கீழே விழுந்து வைக்காதே.

o   கறுப்பா களையா இருக்கியே, உம்பேரு என்ன கிளியோபாட்ராவா?

o   ஏம்மா ப்ளீஸ் பாடாதே, பாட்டைக் கேட்கிறதோடு நிறுத்திக்கம்மா, தகரத்தில ஆணியை வச்சு கீர்ற மாதிரி இருக்கு?

o   ஏம்மா இந்த கண்ணாடி ஃபிரேம் யார் சூஸ் பண்ணது? நல்லாயில்லை உனக்கு.

o   ஏம்மா, ஊத்தவாயி மீனாட்சி, மூஞ்சி கழுவி நாளாச்சா?

o   ஏம்மா தயவு செய்து என் பக்கத்தில் உட்கார்ந்து மூக்கை நோண்டாதே?

o   எதுக்கும்மா காம்பேக்டை முகத்தில அப்புற, நீ தான் கலரா நல்லா இருக்கியே.

o   என் பக்கத்தில உட்கார்ந்து மேக்கப் போடாதம்மா, உனக்கு கோடி புண்ணியம்.

o   உன் லிப்கிளாஸ் தாடை வரை ஒழுகுது பார், ஒருவேளை ஜொள்ளோ?

o   ஏம்மா ரகசியமாச் சொல்லிரு, நீ தலையில் வைச்சிருக்கிறது விக் தானே?

o   ஏம்மா ஏன் இப்படி தலையில பச்சைக்கலர் ஜிங்குச்சான்னு டை அடிச்சு வச்சிருக்க ?.

o   ஏம்மா கருகருன்னு மீசை வருதே, கவனிக்கலயா?

நண்பர்களே, இந்தப்பதிவின் ஆரம்பத்தில் வரும் முதல் பாராவில் ஒரு சிறிய பிழை இருக்கிறது. அதனை கீழே உள்ளபடி மாற்றிப்படிக்கவும்

    சப்வேயில் அனுதினம் குயின்சிலிருந்து, மேன்ஹாட்டன் வரை குறைந்தபட்சம் 11/2 மணி நேர பயணத்தில், நான் சந்தித்த விதவிதமான பெண்களிடம் நான் பேச நினைத்த, சொல்ல நினைத்த கேட்க நினைத்த விவரங்களை இங்கு உங்களுக்குத் தொகுத்துத் தந்துள்ளேன்.

    இதே மாதிரி ஆண்களிடம் நான் கேட்ட கேள்விகளை, - என்ன மகேந்திரா, வேணாமா, உறுதியா வேணாமா சரி விடு.

முற்றும்